Vitaminë D për të luftuar artritin

159

Hulumtimet e reja të prezantuara në Takimin Vjetor Shkencor të Kimikateve Klinike (AAÇ) në Çikago, sugjerojnë se marrja e vitaminës D mund të jetë vendimtare për zbutjen e disa simptomave të artritit reumatoid (RA).
RA është një sëmundje autoimune që prek një pjesë të gjerë të njerëzve. Artriti reumatoid është sëmundja më e shpeshtë nga grupi i sëmundjeve që prek sistemin muskuloskeletik, e cila prek 1 deri në 3% të popullatës mbi 15 vjeç. Është sëmundje kronike, multisistemike, deri tani me shkaqe jo të njohura mirë.
Një ekip i udhëhequr nga Dr. Tomas De Haro Muñoz, i Spitalit Universitar Campus de la Salud në Spanjë, ka publikuar gjetje të reja në lidhje me vitaminën D dhe lidhjen e saj të mundshme me simptomat e RA.
Ata krahasuan nivelet e vitaminës D në 2 grupe njerëzish. Grupi i parë ishin të shëndetshëm dhe grupi i dytë me RA. Studiuesit zbuluan se vetëm 33 për qind e njerëzve me RA treguan nivele të kënaqshme të vitaminës D dhe nivelet ishin më të ulëta për ata që kishin RA aktive dhe përjetuan simptoma më të rënda.
“Mungesa e vitaminës D shoqërohet me veprimtarinë klinike të sëmundjes”, shkruan autorët. “Kuantifikimi i niveleve të serumit 25 (OH) D dhe rrjedhimisht, plotësimi i vitaminës D, duhet të merret parasysh në menaxhimin e pacientëve me RA”.
Ndërsa ky është studimi i parë për të parë se si nivelet e vitaminës D të një personi mund të ndikojnë në rrjedhën e trajtimit RA të tij, lidhja mes vitaminës D dhe sëmundjes është e njohur, tha Dr Daniel Small, një reumatolog në Klinikën Mayo.
Ai i tha Healthline se që ngaqë vitamina D është “shumë e rëndësishme” për sistemin imun, trurin dhe eshtrat e një personi, nivelet e ulëta janë zakonisht të lidhura me “një prognozë më të keqe në shumë të gjitha sëmundjet që prekin këto sisteme”.