Denoncimi/ Anija siriane u arratis nga porti i Durrësit me ndihmën e vëllait të deputetit të PS

150

Ish-Kryeministri Sali Berisha ka publikuar në faqen e tij në Facebook mesazhin e një qytetari dixhital, ku ky i fundit tregon detaje rreth arratisjes së anijes siriane me 500 tonë kripë nga Porti i Durrësit.
Qytetari shkruan në mesazhin drejtuar Berishës se, anija u ndihmua nga kapiteni i kapitenerisë së Portit, Taulant Allka dhe kryetari i kapitenerisë së Shqipërisë, Paulin Ndreu, vëllai i deputetit të PS, Pjerin Ndreu.
Postimi i Berishës në Facebook
Porti i Durrësit si port i Mafies!
Zyrtaret e portit dhe të policisë lejuan së bashku arratisjen e anijes!
Siguri mafioze e shkallës më të lartë!
Lexoni mesazhin e qytetarit dixhital. sb
“I nderuar zoti Berisha.
Ne ARRATISJEN e anijes me mall brenda të zhdoganuar nga porti i Durrësit ka ndihmuar kapiteni i kapitenerisë të portit Taulant Allka dhe kryetari i kapitenerisë të Shqipërisë, vëllai i deputetit socialist Pjerin Ndreu në kompromis me policinë kufitare. Kjo tregon mossigurinë ndaj një biznesi nga shteti i korruptuar.
Me respekt qytetari dixhital”.