“Guardiola, një trajner agresiv”!

90

Mbase i vetmi aspekt negativ i periudhës së Pep Guardiola-s te Bayern është ajo që ndodhi me Dr. Hans-Wilhelm Muller-Wohlfart. Muller-Wohlfart kishte 38 vite në Munich dhe ishte një nga njerëzit më të respektuar në profesionin e tij. Por mosmarrëveshje publike dhe private me tashmë trajnerin e Manchester City-t bënë që Wohlfart dhe ekipi i tij të largoheshin nga klubi gjerman. Tani ai ka nxjerrë në treg një libër autobiografik dhe shpjegon se çfarë ka ndodhur mes tij dhe Guardiola-s. “Nën drejtimin e Pep Guardiola-s, klima ndryshoi te Bayern Munich, dhe u bë më e qartë se ai nuk kishte besim tek unë dhe stafi im. Në njërën anë atij nuk i interesonin fare problemet mjekësore, por nga ana tjetër, ai priste që ne të bënim mrekullira”. “Guardiola shpeshherë portretizohej nga media si një person inovativ, për të mos thënë revolucionar. Por Bayern-in ai e ktheu shumë kohë mbrapa. Bayern gjithmonë ka qenë një nga klubet me më pak probleme dëmtimesh. Por pastaj erdhi Pep Guardiola. Dhe që në sezonin e parë numri i dëmtimeve muskulore u rrit ndjeshëm”.

“Dhe ai i dinte të gjitha më mirë se ne. Erdhi një moment që unë doja t’i raportoja gjendjen e lojtarëve të dëmtuar dhe ai më kthente shpinën”. “Mendoj se Guardiola është një person me vetëbesim të ulët, i cili bën gjithçka për të çorientuar të tjerët. Kështu që ai jeton gjatë gjithë kohës me frikë, jo aq shumë për humbjet, por që të mos humbasë fuqinë dhe autoritetin”.
Ndërkohë, legjenda e Bayern Munich, Giovani Elber thotë se, Robert Lewandowski është sulmuesi më i mirë në botë. Polaku edhe një herë është duke bërë biseda transferimi përpara merkatos së verës, me të ardhmen e tij te bavarezët në pikëpyetje. Paraqitja e mrekullueshme e Lewandowski në Gjermani, te Borussia Dortmund dhe në “Allianz Arena”, e ka parë atë të identifikuar si një “galactico” i mundshëm në “Santiago Bernabeu”. “Gjithkush dëshiron ta ketë një lojtar të tillë në ekipin e vet. Nëse ata kanë mundësinë për ta larguar Lewandowski nga Bayerni, do të bëjnë çmos për ta bërë këtë. Bayern Munich është paralajmëruar dhe Lewandowski ndihet shumë i vendosur me familjen e tij në Mynih. Ai e di se ka gjithçka te Bayerni. Unë shpresoj dhe pres që ai të qëndrojë me ne për një kohë të gjatë”, tha ai.