Rama: “Me Beqirin do kemi qeverisjen e duhur, 100% socialist”

129

Kryeministri Edi Rama gjatë fushatës për zgjedhjet lokale të vitit 2015, në ndalesën e tij në Rrogozhinë, prezantoi Beqir Nuredinin, si kandidatin që do qeveriste këtë qytet. Sot pas gati 3 vitesh, Beqir Nuredinit të besuarit të Partisë Socialiste në pushtet i është bllokuar pasaporta dhe mbi të rëndojnë akuzat e abuzimit me pronat në bregdet.
Nuredini ishte një propozim i PDIU-së, por që u mor në protektoratin e Ramës dhe u prezantua si një socialist 100%. “Dua ta bëj shumë të qartë për të gjithë. Beqir Nuredini është kandidati i Partisë Socialiste 100%, siç është kandidati i PDIU-së, LSI-së dhe i gjithë Aleancës për Shqipërinë Europiane. Ne nuk kemi ndarë bashki, ne kemi ndarë përgjegjësi. I kemi dhënë mbështetje totale të gjithë kandidatëve, pavarësisht nëse i kemi propozuar vetë apo aleatët. Ndaj me Nuredinin do kemi qeverisjen e duhur për Rrogozhinën”, tha Rama në 2015.
Rama dhe PS nuk kanë bërë asnjë reagim për këtë skandal të radhës, në një kohë kur Prokuroria bën me dije se në aferën e abuzimit me pronat janë të përfshirë rreth 23 zyrtarë, 8 prej tyre zyrtarë të lartë të Hipotekave dhe jo vetëm.