Qytetarët organizohen për protesta para Parlamentit kundër varfërisë dhe papunësisë të enjten ora 10.00

533

Një grup qytetarësh po organizohen në rrjetet sociale për një protestë përpara Parlamentit ditën e enjte në orën 10.00 kohë që koinçidon edhe me fillimin e seancës plenare. Qytetarët kanë shpërndarë në rrjetet sociale thirrjen për protest në orën 10.00 dhe po gjejnë mbështetje nga qytetarë të shumtë. Kemi të bëjmë me një protest e cila prek thelbin e të gjitha problem me të cilat përballet sot Shqipëria që janë papunësia dhe varfëria mjaft e lartë. Janë këto dy faktorë që kanë detyruar dhe po detyrojnë dhe dhjetra mijëra shqiptarë të largohen nga Shqipëri duke kërkuar azil në vende të ndryshme të Bashkimit Europian.

Shifra rekord e sondazhit të Gallup: Gjysma e popullsisë kërkon largim nga Shqipëria
Më e keqja është se gjysma e shqiptarëve që jetojnë në Shqipëri po planifikojnë të ikin nga vendi. Sipas anketimit që ka bërë Barometri i Ballkanit, 50% e të anketuarve më 2017 janë përgjigjur se po planifikojnë të largohen nga vendi. Kjo tendencë po vjen në rritje, pasi më 2016 kishin pohuar se po merrnin në konsideratë të largoheshin nga vendi 48% e të anketuarve.
Eksperti i ekonomisë, Selami Xhepa, tha se problemi i papunësisë dhe i krijimit të vendeve të punës dhe me paga të pëlqyeshme do të jetë një sfidë për të cilën nuk ka ndonjë adresim të posaçëm nga autoritetet publike edhe për 2018-n. Për këtë arsye, problematika sociale dhe ekonomike do të vazhdojë të mbetet e mprehtë dhe serioze dhe shqiptarët do të dëshirojnë të largohen gjithnjë e më shumë në kërkim të mundësive më të mira. FMN llogariti në një studim të fundit mbi efektet e emigracionit në ekonominë e Ballkanit se, PBB-ja e Shqipërisë ka humbur 18% në dy dekadat e fundit, si rezultat i largimit masiv të “trurit”.

Edhe INSTAT i kontrolluar nga Rama pranon eksodin
Të dhënat e INSTAT tregojnë se në vitin 2017, numri i emigrantëve është 39.905 persona dhe numri i imigrantëve, 25.003 persona. Migracionit neto (diferenca midis imigrantëve dhe emigrantëve), rezulton -14.902 persona. Një vit më parë, diferenca ishte shumë më e ulët, më pak se 10 mijë persona. Kjo tregon se më shumë po ikin dhe më pak po kthehen.
Në shtatë vitet e fundit, njerëzit që kanë ikur janë të barabartë, ose më shumë sesa numri i banorëve që ka qarku i dytë më i madh i vendit, Fieri, me 302 mijë banorë. Më pas renditet Qarku i Durrësit me 285 mijë.
Emigracioni, së bashku me rënien e lindshmërisë janë arsyet kryesore që po çojnë në tkurrjen e popullsisë. Instat raportoi sot se më 1 janar 2008 popullsia e Shqipërisë 2018, rezultoi 2.870.324 banorë duke pësuar një rënie me 0,2% krahasuar me 1 Janar 2017. http://ëëë.monitor.al/alarmi-popullsia-ra-0-2-2017-nga-emigracioni-larte-dhe-renia-e-lindjeve/
INSTAT sqaron se Migracioni Neto (Lëvizjet e njerëzve që hyjnë dhe dalin nga vendi) është komponenti më i vështirë për t’u matur, duke qenë se Shqipëria nuk ka ende një regjistër popullsie. Në këtë mënyrë INSTAT thotë se përdor të dhënat më të mira ’proxy’ për vlerësimin e migracionit, duke u bazuar kryesisht në të dhënat e mbledhura nga moduli i migracionit nëpërmjet anketës së forcave të punës kombinuar me koeficientet e projeksioneve të popullsisë 2011-2031.