Masakër natyrore në lagunën e Nartës

317

Dalja nga shtrati e lumit Vjosë në fillim të muajit shkurt ka sjellë dhe mbeturina të ndryshme, duke sjellë një masakër mjedisore. Këto mbeturina të çfarëdollojshme janë përqendruar në një vijë bregdetare prej 3 km, që nga plazhi i hidrovorit në fshatin Akërni deri në kanalin e Lagunës së Nartës.
Me mbeturinat plastike lumi ka sjellë dhe mbetje drunjsh të djegur, kjo një tjetër masakër për gjënë e gjallë të Lagunës së Nartës, pasi karboni që mbart druri i djegur helmon peshkun dhe gjënë e gjallë në këtë lagunë. Nuk është e para herë që lumi Vjosë, pasi del nga shtrati sjell mbeturina pa fund, por kësaj herë si asnjëherë në 25 vite deti i ka spostuar në afërsi të Lagunës së Nartës.
Peshkatarët e Nartës ndihen të kërcënuar nga këto mbetje, pasi kanali që lidh Lagunën me detin është dhe zona ku janë mbetjet më të shumta, pasi është dhe periudha ku peshku nga deti hyn në lagunë, dhe nqs së bashku me ujin e detit hyn dhe mbeturinat, kjo do të jetë një masakër dhe një ngordhje masive e gjësë së gjallë në lagunë. Ata shprehen se me mundësitë tona po heqim sa të mundim këto mbetje nga hyrja e kanalit. Por është e pa mundur, pasi janë sasi të mëdha me mbetje dhe është një masakër mjedisore. Janë njoftuar të gjitha instancat për këtë situatë, edhe Ministria e Bujqësisë dhe presim që të vinë për të ndërhyrë.