Wenger optimist për rinovimin e Sanchez

43

E ardhmja e Alexis Sanchez është kthyer në një çështje te Arsenali. Sulmuesi kilian është në vitin e tij të fundit të kontratës me topçinjtë e Londrës dhe ende nuk vendosur se çfarë do të bëjë me të ardhmen e tij. Pavarësisht ofertave të Arsenalit për rinovimin e kontratës 28-vjeçari amerikano-jugor deri tani ka qenë në mëdyshje për vetë faktin se për lojtarin interesohen disa klube të mëdha me Manchester City-in e Pep Guardiolës që qëndron në krye të listës pa harruar këtu Bayer Munich, por edhe Interin.
Por në ditët e fundit, Sanchez është afruar gjithnjë e më tepër me Arsenalin dhe gjasat janë që kiliani të rinovojë kontratën e tij me klubin nga Emirates Stadium. Diçka të tillë e la të kuptohet vetë trajneri i skuadrës londineze Arsene Wenger, i cili  ka nënvizuar shpesh se nuk do ta lejonte largimin e Sanchez te rivalët e Manchester City-it. “Kam patur kontakte të shpeshta me lojtarin gjatë ditëve të fundit dhe ai më ka siguruar se dëshiron të vazhdojë aventurën e tij me Arsenalin, deklaroi fillimisht tekniku francez”. Nga bisedat që kam patur me Alexis ai ka qenë shumë pozitiv dhe mendoj se do ta firmosë kontratën e re, shtoi më pas trajneri i Arsenalit. Alexis Sanchez ka tre sezone që është pjesë e topçinjve, teksa ka zhvilluar 145 ndeshje në total me Arsenalin, duke realizuar dhe 72 gola.