Nëna e djali rrezikojnë jetën në autobus, Veliaj mburret me transportin publik

182
Kandidati i ASHE per Bashkine e Tiranes, Erion Veliaj, duke folur gjate konferences “Sfidat dhe mundesite per Tiranen”, organizuar nga revista Monitor dhe Dhoma Amerikane e Tregtise. /r/n/r/nCandidate of Alliance for the European Albania, AEA, for the mayor of Tirana Erion Veliaj, speaks during the conference "Challenges and Opportunities for Tirana", organized by the magazine Monitor and the American Chamber of Commerce.

Kryebashkiaku i Tiranës, Erion Veliaj vazhdon të propagandojë në mediat e tij përmes kronikave të gatshme, gjoja një transport publik modern në kryeqytet, por situata është krejt ndryshe. Inspektimet gjoja të rastësishme të Veliajt në linjat urbane, nuk e mbulojnë dot gjendjen katastrofike të këtij shërbimi, të cilin qytetarët e Tiranës prej një viti e paguajnë 10 lekë më shtrenjtë.
Lapsi.al sjell historinë e një nëne dhe djalit të saj të mitur që kanë rrezikuar seriozisht jetën teksa udhëtonin me autobusin e linjës së Kristalit. A.K bashkë me djalin 4-vjeçar është rrëzuar në shkallët e autobusit teksa po mbahej nga hekurat, që përdoren zakonisht për të ruajtur ekuilibrin kur je në këmbë. Rrëzimi ka ardhur pas frenimit të shoferit të autobusit, i cili ishte duke  drejtuar mjetin me shpejtësi të madhe. Autobusi kishte targat “AA 108 NM”.
“Shoferi frenoi si i çmendur. Bashkë me çunin u rrëzuam në shkallët e autobusit të dy, pasi hekuri ku po mbaheshim u shkëput. Po dridhesha e tëra, mezi e kam marrë veten nga tronditja. Djali është dëmtuar në fytyrë. Autobusi ishte fare i vjetër”, ka thënë nëna A.K.
Siç shihet, ndërkohë edhe në fotot më poshtë, të publikuara nga shuplaka.com 4-vjeçari ka pësuar dëmtime afër syrit dhe në pjesën e hundës. Ai është dërguar në spital për ndihmë mjekësore. Ndoshta ky është vetëm një rast që bëhet publik, por që mjafton për të treguar se shërbimi i transportit urban në Tiranë është në gjendje shumë të keqe dhe s’ka asnjë lidhje me teatrin që Erion Veliaj bën nëpër mediat e kapura prej tij.